Articulu in logudoresu
Ignaziu Secchi (Sennaru, 1907 – Sossu, 1967) est istadu unu chitarrista de su Cantu a chiterra.
Aiat imparadu sa tecnica musicale dae su frade mazore Peppinu. Ignaziu aiat cominzadu sa carriera a 16 annos, e cun su tempus aiat acciappadu un istiliu sou, chi fit istadu de riferimentu finas pro Adolfo Merella, chi est cunsideradu, issu puru, unu grande chitarrista. Est istadu unu de sos printzipales protagonistas de sqa prima istajone de sas garas de su cantu a chiterra aiat accumpagnadu a Luiginu Cossu, Antoni Desole, Pietro Porqueddu e ateros meda. Umpare a Luiginu Cossu, chi l'aiat sempre preferidu, aian incisu parizos discos, a partire dae su 29, cun sa casa discografica La voce del padrone de Milano.